ВМРО-ДПМНЕ уште од самиот старт побара скрининг на населението за Ковид 19, да се види каде се жариштата, во тие жаришта да се прогласи кризна состојба, а остатокот од државата да функционира нормално, истакна потпретседателот на ВМРО-ДПМНЕ, Александар Николоски во своето гостување во емисијата „Јади Бурек“.

Тој ги спомна и опожарените објекти во струмичката касарна.

АЛЕКСАНДАР НИКОЛОСКИ: Знаете што им е целта, еве ќе бидам директен. Луѓето се во огромен страв и паника. Прва вест сами кажавте секогаш е, мерките, препораките итн. А тоа на нив им одоговара затоа што никој не зборува дали јавниот превоз во Скопје е добар, дали има дупки по улиците, дали ѓубрето се чисти или не. Дали некој бандит во Прилеп близок до власта прави криминал? А прави. Дали некој бандит во Битола во РЕК Битола прави криминал? А прави. Дали фирмите на Заеви во Струмица прават криминал, а прават. Еве една провокација, случајно одат во пожар објекти во струмичката касарна или одат намерно, затоа што таму Заеви градат згради. Тоа не е тема во Македонија, Ковид е прва тема. Три објекти изгореа во изминативе месец дена во струмичката касарна, случај нема. Во струмичката касарна згради градат семејството Заеви тоа го знаат сите во Струмица.