АД Водостопанство – Подружница Струмичко Поле – Струмица со поддршка од Еуромаксресоурцеси нејзиниот најголем инвеститор Трафигураго подобри системот за наводнувањето на површините во околината на селата Иловица и Штука, како и пошироко во општина Босилово. Со завршувањето на изведбата на градежните работи за санација на бочен преливник и зафат на вишок од води од отворен канал за наводнување како и набавка и инсталирање на потопна пумпа со соодветна контролна кутија на местото Штучка врата,што е донација од ЕуромаксРесоурцес, според директорот на Подружница Струмичко Поле, Лазар Ѓорѓиев, сега е надминат проблемот за нормална испорака на вода до земјоделските површини.
“Ја завршивме санацијата на простороткај Штучка врата, односно главниотпреливникза вишокот вода што оди за Турискиот систем од 35 километри до крајната точка Ново Село. Ова место до неодамна беше многу оштетено, но фирмата ЕуромаксРесоурцес ни помогнаа да го решиме проблемот за да може водата нормално да стигне до крајните потрошувачи, односно земјоделците. Им благодариме на несебичната помош што ни ја дадоа во овие ковид услови на стопанисување“, вели Лазар Ѓорѓиев,директор на Подружница Струмичко Поле.
При санирање на Штучка врата, беше реализирано чистење на отпадот во околина.
„Сакам да ги замолам граѓаните да ја подигнат свеста на повисоко ниво и да не го фрламе отпадот покрај реките и речните корита за да ја зачуваме животната средина во која сите заедно живееме“, додаде Ѓорѓиев.
Оваа санација на дел од системот за наводнување на земјоделските површини ќе ја почувствуваат земјоделците во општината Босилово. Според Еуромаксресоурцес, развојот на проектот за рудник за бакар Иловица – Штука ќе овозможи компанијата и во иднина да инвестира во различни сектори, како и во земјоделието.
“Уверени сме дека земјоделието и рударството можат и треба да коегзистираат заедно. Поддршката што компанијата ја обезбеди заедно со нашиот најголем инвеститор Трафигурае почеток на тип на активности кои е предвидено да ги продолжиме и во иднина“, вели Д-р Живко Груевски, директор за комуникации и односи со јавноста.
Еуромакс заедно со клучниот инвеститор Групацијата Трафигура неодамна го објави повикот за поддршка на локални проекти и досега финализираше повеќе донации и спонзорства. Преку проектот за поддршка на женското претприемништво, како и за развој на сточарството поддршка добија над 60 фамилии. Компанијата одобри проекти за поддршка на малите претприемачи во регионот, а успешно се реализираше и индивидуалниот проект „Да ги скршиме стереотипите” преку поддршка на првиот етно-ресторан во државата со едукативен и психотерапевтски пристап за деца со аутизам.
