Изградбата на новото мултифункционално спортско игралиште во населеното место Куклиш се одвива според планираната динамика.
ПРОДОЛЖЕНИЕ:
По завршувањето на подготвителните работи, започна поставувањето на армираната бетонска подлога. Според информациите од терен, бетонските работи треба да завршат следната недела, по што ќе продолжат преостанатите градежни активности.
Игралиштето ќе се простира на вкупна површина од 943 квадратни метри и ќе располага со терени за фудбал, ракомет и кошарка.
Реализацијата на овој проект претставува исполнување на долгогодишното барање на жителите на Куклиш. Од Општина Струмица истакнуваат дека потребите на граѓаните се приоритет за градоначалникот Петар Јанков и локалната самоуправа, особено кога станува збор за младите, спортот и создавањето подобри услови за рекреација.
