Основачот на SpaceX и сопственик на социјалната мрежа X, Eлон Маск верува дека вештачката интелигенција (ВИ) ќе биде „попаметна“ од кој било човек до 2025 година и од целото човештво заедно до 2029 година.
Маск ова го напиша во објава поврзана со подкастот на Џо Роган и повторно привлече големо внимание. Клипот доаѓа од неодамнешната епизода во која е прикажано интервју со футуристот Реј Курцвел. Роган разговараше со него за иднината на вештачката интелигенција и како таа ќе се споредува со човечката интелигенција.
Курцвел му рекол на Роган дека вештачката интелигенција на човечко ниво ќе стане реалност во 2029 година.
„Сѐ уште не сме таму, но ќе бидеме. ВИ ќе биде еднаква на секој човек до 2029 година“, изјави тој.
Во својот одговор, Маск се согласи, но беше уште поагресивен во предвидувањето на можностите на технологијата за вештачка интелигенција.
„Вештачката интелигенција веројатно ќе биде попаметна од кој било човек следната година, а до 2029 година веројатно попаметна од сите луѓе заедно“, напиша Маск на X.
Со ова Маск уште еднаш го потврди својот став за вештачката интелигенција, кој е јасен со години. Во ноември 2023 година, тој ја сподели со јавноста својата визија во која вештачката интелигенција „ќе работи сè“.
За време на разговорот со британскиот премиер Риши Сунак на самитот AI Safety Summit, тој зборуваше за неговата визија за иднината на ВИ технологијата во светот.
„ВИ е најразорната сила во историјата. За прв пат ќе имаме нешто што е попаметно дури и од најпаметниот човек. Ќе дојдеме до точка каде што работата повеќе нема да биде потребна. Ќе можете да имате работа само ако го сакате за лично задоволство. Но, ВИ ќе може да направи сè. Темпото на ВИ технологијата е побрзо од која било друга технологија во историјата, а нејзините способности се чини дека растат најмалку петкратно, можеби десеткратно, годишно“, истакна Маск.
Курцвел и Маск зборуваат за вештачката општа интелигенција (AGI), која е многу различна од ВИ технологијата со која повеќето се запознаени, како што се големите модели на LLM јазици, чет-ботови или генераторите на уметност.
Дефинициите се разликуваат, но повеќето се согласуваат дека AGI во разговор не би се разликувала од човечко суштество, но би имала многу поголема ефикасност. Исто така, AGI нема потреба да застанува за јадење, пиење, спиење и одмор по напорниот работен ден.
Сепак, повеќето се согласуваат дека AGI наскоро би можела да го надмине дури и најинтелигентното човечко суштество и, со текот на времето, потенцијално би можела да стане понапредна и во когнитивните способности.
Иако ова предизвикува страв кај некои, други се надеваат дека напредокот на AGI технологијата може да стане најголемата работа досега.
