Невнимателното возење низ влажни улици може да ги чини возачите 35 евра. Се предвидува казнување за возачите кои не внимаваат на пешаците и со своите возила ги прскаат со вода од коловозот.
Според член 124 од Законот за безбедност на сообраќајот на патиштата, возачите се должни да ја приспособат брзината кога на коловозот има вода, за да не ги испрскаат пешаците и другите учесници во сообраќајот.
За непочитување на оваа обврска е предвидена глоба од 35 евра во денарска противвредност.
Казната е потсетник дека возачите мора да внимаваат и на пешаците, особено во дождливи денови.





















