Јапонија и нејзината вселенска агенција наречена JAXA со децении се обидуваат да овозможат пренос на сончева енергија од вселената, а сега е одреден краен рок – 2025 година.
Во 2015 година, научниците од JAXA направија голем напредок кога пренесоа 1,8 kW енергија на растојание од 50 метри од безжичен приемник. Тоа е доволно енергија за напојување на електричен бокал, а сега Јапонците се подготвени оваа технологија да ја „поближат“ до реалноста.
Јапонското јавно-приватно партнерство има за цел да пренесе сончева енергија од вселената до 2025 година. Проектот го води Наоки Шинохара, професор од Универзитетот во Кјото, кој работи на сончева енергија од вселената од 2009 година, а планот е да се лансира серија мали сателити во орбитата. Тие сателити ќе се обидат да ја пренесат сончевата енергија што ја собираат на копнените станици оддалечени стотици километри.
Tapping the sun’s power in space for use on Earth will become closer to reality if researchers in Japan succeed in transmitting power from outer space to the ground using microwaves.https://t.co/MXrsJ7nNli
— Nikkei Asia (@NikkeiAsia) May 27, 2023
Употребата на орбитални соларни панели и микробранови за испраќање енергија на Земјата за прв пат беше предложена во 1968 година. Оттогаш, неколку земји, вклучувајќи ги Кина и САД, инвестираа време и пари за да ја направат оваа идеја реалност.
Технологијата е многу привлечна бидејќи орбиталните соларни „полиња“ претставуваат потенцијално неограничено снабдување со обновлива енергија. Во вселената, соларните панели можат да собираат енергија без оглед на времето од денот, а користењето на микробрановите за пренос на енергијата што ја произведуваат го елиминира проблемот со облаците.
Сепак, дури и ако Јапонија успешно распореди сет на орбитирачки соларни низи, технологијата сепак би била поблиску до научна фантастика отколку до реалност. Причината е фактот што производството на низа што може да произведе 1 гигават енергија, односно како еден нуклеарен реактор, би чинело околу 7 милијарди долари користејќи тековно достапни технологии.
