Состојки:
- 5 кори портокал (поситни портокали)
- 150 г шеќер на 100 г кори
- вода колку да го прекрие шеќерот
- 1 исцеден сок од лимон
- малку сода бикарбона
- игла и јак конец
Инструкции: Се добива поубав резултат ако портокалите се поситни и имаат мазна кора.
- На грубиот дел од сунѓер за миење садови ставете сода бикарбона и истријте ги портокалите (со оваа постапка го отсранувате делот од кората кој горчи).
- Одстранете круг од кората на местото каде била прицврсетна на дрвото.
- Исечете ленти од кората широки максимум 1 см.
- Лентите замотајте ги секоја посебно во мала спираличка, па со иглата нанижете ги на конецот.
- Подготвениот шеќер прелијте го со студена вода па ставете го да зоврие. Во ова додајте го ланчето со корички и варете отприлика 20 минути од моментот кога заедно со коричките шербетот повторно зоврел (вриењето за кратко престанува кога сте ги додале корите во шербетот).
- Додајте го сокот од лимон (служи за да спречи кристализација на слаткото), па оставете да врие уште десетина минути.
- Внимателно одстранете го конецот од коричките и врелото слатко префрлете го во теглички, кои треба да ги затворите со метални капаци и да ги стерилизирате во рерна на 75 степени околу 30 минути.
- Исклучете ја рерната, но тегличките нека останат во неа се додека не се оладат така затворени.
