Дворот на параклисот и просторот околу кошаркарското игралиште во Владевци ќе добијат нов и современ изглед преку нивно целосно партерно уредување.
ПРОДОЛЖЕНИЕ:
Предвидено е поплочување на дворот на параклисот, како и уредување на просторот околу кошаркарското игралиште. За најмладите жители ќе бидат поставени нови детски реквизити со гумена подлога, со што ќе се создадат побезбедни и подобри услови за игра.
Во дворот на параклисот ќе бидат поставени и нови клупи, како и друга урбана опрема, претворајќи го просторот во пријатно место за одмор, средби и дружење на жителите.
Благодарение на одличната локација и непосредната поврзаност, параклисот и игралиштето ќе формираат единствена, функционална и уредена целина, која ќе придонесе за поубав изглед на Владевци и ќе биде на гордост на неговите жители.
