Во Струмица започна 21. издание на Меѓународниот филмски фестивал „Астерфест“, манифестација која повеќе од две децении придонесува градот да се вбројува меѓу најзначајните културни центри во државата.
ПРОДОЛЖЕНИЕ:
Преку ваквите фестивалски настани, Струмица го зацврстува својот имиџ на современа културна дестинација која ги обединува филмската уметност, креативноста и меѓународната соработка.
Годинашна лауреатка е актерката Синоличка Трпкова, која признанието го добива за својот богат актерски опус, долгогодишната посветеност и исклучителниот придонес во филмската, телевизиската и драмската уметност. Нејзините бројни улоги и професионални достигнувања оставија неизбришлива трага во македонската култура.
Во текот на следните фестивалски денови публиката ќе има можност да проследи извонредни филмски остварувања, како и да биде дел од нови средби, разговори и инспиративни содржини.
Организаторите ги повикуваат струмичани и сите љубители на седмата уметност да уживаат во филмската магија, да откријат нови перспективи и да го збогатат своето културно искуство.
