Струмица оваа година за првпат ќе биде домаќин на JAZZ STReam Festival – нов музички фестивал кој ќе донесе врвна џез музика, уметничка енергија и поинакво културно доживување за струмичката публика.
Фестивалот ќе биде отворен на 4 јуни 2026 година, со концерт на Националниот џез оркестар во големата сала на НУЦК „Антон Панов“ во Струмица, со почеток во 20:00 часот. Под диригентската палка на маестро Џијан Емин, публиката ќе има можност да ужива во моќниот звук на биг-бенд оркестарот во живо.
Со ова, Струмица се приклучува на мапата на градови кои активно ја негуваат џез културата и современата музичка сцена. Организаторите најавуваат дека фестивалот ќе понуди квалитетна програма, нова музичка атмосфера и ќе прерасне во значаен културен настан за градот и регионот.
Влезот за концертот е бесплатен, а билетите можат однапред да се резервираат преку официјалната страница на НУЦК „Антон Панов“.
