Државниот пазарен инспекторат – Одделение Струмица започна со спроведување засилени и вонредни инспекциски надзори кај трговците по повод акциските продажби за „Black Friday“. Целта на контролите е да се обезбеди фер трговија, целосна заштита на потрошувачите и строго почитување на законските обврски од сите пазарни субјекти.

Раководителот Глигор Поцков, истакнува дека инспекторите внимателно ги следат евентуалните нерегуларности, особено во делот на намалувањата, истакнувањето на цени и транспарентноста кон купувачите.

„Апелирам до трговците да ги почитуваат правилата, а граѓаните, доколку забележат неправилности, да ги пријават на бројот 191 или на веб-страницата **www.dpi.gov.mk**“
, порача Поцков.

Државниот пазарен инспекторат најавува дека контролите ќе продолжат континуирано, со цел навремено откривање и санкционирање на неправилности и заштита на сите потрошувачи во пресрет на големите празнични попусти.