Германија е најголем трговски партнер на Република Македонија, но и на повеќето земји во Европа, покажува анализата на порталот „Ландгеист“, базирана на податоци на ММФ.
Иако САД и Кина имаат силни економски релации со Европа, тие се најзначајни трговски партнери само на многу мал број европски земји. САД се најголем трговски партнер на Велика Британија и на Ирска, а Кина само на Русија. За Турција и Белорусија, пак, најзначен партнер во трговијата е Русија, а за Украина тоа е Полска.
Доколу Европската унија се гледа како на единствен трговски блок, таа би била најголемиот трговски партнер на сите земји во Европа, освен на Белорусија, која најмногу тргува со Русија.
Најголемиот трговски партнер се одредува според вкупната вредност на увозот и извозот заедно.
