Министерот за Внатрешни Работи Наќе Чулев одржа прес конференција на која рече дека во Струмица (територија на СВР Струмица) до овој момент има 11 лица во изолација и 172 лица во самоизолација.

Од останатите информации за Струмица денеска охрабрува фактот дека до сега сите тестирани се негативни.

Бројките сепак зборуват дека претпазливоста на граѓаните во нашиот регион и во градот треба да биде на високо ниво. Со оглед дека регионот е прометен, тромегие со Република Бугарија и Република Грција и затоа што од регионот има голем број на лица кои работат или остваруват разни деловни и приватни контакти со земјите кои се погодени од Ковид 19. Да потсетиме и дека во последниот месец на наша територија беа откриени поголеми групи на мигранти, чија здравствена состојба за време на илегалност не е утврдена.

Струмичани засега не се жалат на состојбата со снабденоста освен со покачувањето на одредени продукти, нема ниту посебни проблеми со непочитување на мерките.