Затвореник кој бил спроведен од Штипскиот затвор на судење во Основниот кривичен суд во Струмица успеал да избега за време на пауза во судската постапка.
ПРОДОЛЖЕНИЕ:
Според информациите, за време на паузата затвореникот бил во придружба на двајца затворски полицајци. Тој побарал да оди во тоалет, по што, при излегувањето, го турнал едниот од полицајците и се дал во бегство.
Затвореникот успеал да избега и покрај тоа што во моментот на бегството имал лисици на рацете.
За случајот биле известени Министерството за внатрешни работи и Јавното обвинителство. Во Штипскиот затвор е формирана комисија која треба да ги утврди околностите и евентуалните пропусти во постапувањето на затворската полиција.
Полицијата презема мерки за пронаоѓање и лишување од слобода на избеганиот затвореник.
