Под слоганот Играј одговорно, Видеолотарија Касинос Австрија ја продолжува соработката со стручните лица за едукација и превенција во насока на одговорното играње игри на среќа.
Видеолотарија Касинос Австрија под слоганот ИГРАЈ ОДГОВОРНО, ја продолжи соработката со Здружението на клубови на лекувани зависници на Република Македонија и нивниот тим составен од стручни лица од областа на психологијата и психијатријата. Преку оваа соработка, продолжуваме со реализацијата на нашата примарна цел, едукација и превенција за одговорното играње игри на среќа.
Соработката официјално започна во 2019 година, кога и беше формиран првиот СОС тим од ваков вид во нашата земја, целосно поддржан од Видеолотарија Касинос Австрија. Беше активирана и СОС линија 072 809 809 со телефонска поддршка и деск верзија преку имејл. До 2025 во функција беа ставени три стручни советувалишта и тоа во Скопје, Прилеп и Куманово со своја посебна СОС линија. Годинава веќе се отпочнати и дополнителни активности за нови советувалишта во Прилеп и Радовиш.
Во насока на едукација и превенција на јавноста, постојано се реализираат едукативни предавања за учениците низ повеќе факултети и средни училишта во земјава, како и за родителите/старателите од згрижувачки семејства. Дополнително беа реализирани и специфицирани трибини поврзани со проблемите кои ги предизвикува прекумерното користење на психоактивните супстанции и игри на среќа.
И во текот на новата соработка ќе продолжиме со едукација и ќе настојуваме да влијаеме кон зголемувањето на јавната свест за ризикот и опасностите од прекумерно играње игри на среќа.
Видеолотарија Касинос Австрија како членка на Европската и Светската Асоцијација на лотарии, поседува и сертификат за одговорно приредување игри на среќа, што дополнително укажува на нашата сериозност како општествено одговорна компанија.
