Голем напредок во третманот на ракот на дојка може да понуди нова надеж за илјадници жени кои живеат со неизлечиви форми на болеста. По 20 години истражување, Националниот институт за извонредност на здравјето и грижата (NICE) на Велика Британија го одобри лекот “капивасертиб” за употреба во британскиот здравствен систем.
“Кога се користи со хормонска терапија, “капивасертиб” значително го продолжува времето пред да напредува ракот. Тоа го дуплира колку што функционира хормонската терапија, давајќи им на пациентите драгоцено дополнително време со нивните семејства”, рече професорот Николас Тарнер од Институтот за истражување на ракот во Лондон, кој ја предводеше претходната студија објавена во The New England Journal of Medicine.
“Капивасертиб” е орален лек за рак кој делува со блокирање на група протеини наречени АКТ, кои се вклучени во растот и опстанокот на клетките. Овие протеини често стануваат преактивни кај одредени видови на рак, вклучувајќи и многу случаи на напреднат рак на дојка. Со инхибиција на АКТ, “капивасертиб” помага во забавување или запирање на растот на клетките на ракот. Овој лек цели на тумори со мутации во гените PIK3CA, AKT1 или PTEN, кои се присутни кај околу 50% од пациентите со напредни форми на болеста.
Елен Хјуз од Северен Велс го земала лекот од февруари преку приватна нега. Во 2008 година ѝ бил дијагностициран рак на дојка и до 2016 година метастазирал, но сега гледа нова надеж за себе. „Повеќе не се гледам себеси како личност која умира… Се гледам себеси како успешна личност и дека ќе продолжам да напредувам колку што можам повеќе“, изјави Хјуз за Sky News.
Таа ги пофали благите несакани ефекти на лекот и способноста да ја одложи хемотерапијата.
