Струмичкиот кик-боксер Пепи Велков во моментот се наоѓа на интензивни подготовки во Тајланд, каде ќе престојува во наредниот еден месец. Станува збор за сериозен тренинг процес, кој има за цел максимално да ја подигне неговата форма пред претстојните меѓународни настапи.

Велков во Тајланд тренира во врвни услови, во средина позната по својата традиција и експертиза во боречките спортови, што претставува значајна можност за дополнително унапредување на неговите вештини и кондиција.

Овие подготовки се насочени кон неговиот настап на Светскиот куп во Турција, кој ќе се одржи во периодот од 13 до 18 мај. Очекувањата се дека струмичкиот кик-боксер ќе се претстави во најдобро светло и ќе се бори за висок пласман на ова престижно натпреварување.

Со ваквиот професионален пристап и посветеност, Пепи Велков продолжува да го гради својот спортски пат, достојно претставувајќи ја Струмица и Македонија на меѓународната сцена.