Струмица оваа сабота ќе испрати јасна порака – доста е од загадувањето! Граѓаните ќе се соберат на протест против алармантно високото ниво на загаденост на воздухот, кое во изминатиот период ја стави Струмица меѓу најзагадените градови во Европа.
Во духот на заедништвото и општествената одговорност, струмичката компанија „Лав Комерц“ донесе одлука да ги ослободи своите вработени од работни обврски, за да можат слободно да учествуваат на протестот. Оваа иницијатива е вистински пример за корпоративна одговорност и поддршка на заедницата, а токму ваквите чекори се клучни во борбата за поздрава животна средина.
Овој протест не е само повик за реакција, туку и тест за тоа колку сме подготвени да се бориме за иднината на нашата Струмица. Да бидеме сите дел од промените!
