По иницијатива на градоначалникот на општина Струмица, Петар Јанков, редовните ученици со попреченост во општинските училишта ќе добиваат финансиска поддршка во текот на наставната 2025/2026 година. Вчера на официјалната веб страница на општина Струмица е објавен Јавен повик за добивање финансиска поддршка за редовните ученици со попреченост, со наод и мислење, кои посетуваат настава во основните и средните училишта на територијата на општината.

Финансиската поддршка изнесува 1.500 денари месечно, во времетраење од 9 месеци, и може да ја оствари секој ученик кој ги исполнува основните критериуми наведени во Јавниот повик.

Јавниот повик трае 15 дена од денот на неговото објавување на општинската веб страница, каде што заинтересираните родители и старатели можат да ги пронајдат сите дополнителни информации, условите, потребната документација и начинот на пријавување.

Со оваа мерка, општина Струмица ја потврдува својата определба за поголема инклузија и поддршка на децата со попреченост и нивните семејства.

КЛИКНЕТЕ НА ЛИНКОТ ЗА ПОВЕЌЕ ИНФОРМАЦИИ: https://strumica.gov.mk/javen-povik-finansiska-poddrshka-2025?fbclid=IwY2xjawOG3V5leHRuA2FlbQIxMABicmlkETEySjBiN3haUXJjbnJUT3Vjc3J0YwZhcHBfaWQQMjIyMDM5MTc4ODIwMDg5MghjYWxsc2l0ZQEyAAEeWqjjdGJJ5IlPzj8b6FYBEIjylGTQxwYMYvnYqjFMsRmPtJzSKF4FQy6gMDc_aem_TlIN8cUIUwijYonH1iVj1A