Со огромно задоволство Ви најавуваме спектакуларен настан кој за прв пат ќе се случи во Струмица.

Нашиот најпознат инструменталист Џамбо Агушев заедно со неговите пријатели од битолската група ФОНТАНА ни подготвуваат вистински музички спектакл кој долго ќе се памети. Како дел од овој спектакуларен настан ќе бидат и членовите на битолскиот камерен оркестар IWCONNECT како и две исклучителни балкански музички имиња, пејачката со ангелски глас Даница Крстиќ од Србија, како и гитаристот кој го освојува светот Ангел Демирев од Бугарија.

Концертот е дел од низата концерти кои треба да го обиколат целиот Балкан. Неодамна премиерно се случи во Битола и предизвика огромен интерес и многу воодушевување. Чест и задоволство е што Струмица е вториот град каде ќе се случи овој несекојдневен настан.

Концертот ќе се случи во понеделник на 26 декември со почеток во 20:00 часот во НУЦК”Антон Панов” Струмица.