Согласно Законот за минимална плата, износот на минималната плата се усогласува на почетокот на секоја календарска година.

Тоа значи дека од месец март вработените кои сега добиваат минимална плата, ќе добијат извесно покачување.

Министерот за економија Бесир Дурмиши најави и дека по редовното усогласување на минималната плата, таа најверојатно ќе изнесува 24.400 денари.

Тоа ќе биде за околу 1.800 денари повеќе од актуелната минимална плата која е на износ од 22.567 денари.

„Конечната сума на минималната плата која ќе важи од март наредната година ќе се знае откако ќе се земат податоците за инфлацијата и за просечната плата во 2024 година, по што ќе се усогласи минималецот “ вели Дурмиши.

Согласно истиот Закон, со корекција на минималната плата, треба да следи усогласување и на сите останти плати.