Општина Василево целосно ја исплати еднократната парична поддршка за првачињата запишани во основните училишта на територијата на општината, чии родители или старатели поднеле барање. Ова го соопшти градоначалникот Славе Андонов.
Според неговата објава, по прибирањето на податоците од сите училишта, завршени се административната проверка и обработката на барањата, по што средствата се префрлени на трансакциските сметки на родителите и старателите.
Андонов порача дека општината продолжува посветено да работи на поддршката на најмладите, нагласувајќи дека инвестирањето во децата претставува инвестирање во иднината.
