Д-р Петар Марков, пратеник во Собранието на Република Македонија од редовите на ВМРО-ДПМНЕ, соопшти дека при посетата на Ерусалим со македонската парламентарна делегација бил одликуван со медалјон на Ерусалимската патријаршија. Медалјонот лично му го врачил Неговото Блаженство, ерусалимскиот патријарх г. г. Теофил III.
Во својата објава, Марков го опишува приемот како особена чест и длабоко духовно доживување. Тој истакнува дека признанието го примил со искрена благодарност, почит и смирение, а медалјонот ќе го чува како драгоцен спомен од средбата и престојот во Светата земја.
Според Марков, претставувањето на Македонија на ваква средба носи посебна гордост, но и одговорност. За него, овој момент претставува потсетник дека верата се сведочи и преку делата – чесноста, грижата за ближниот, почитувањето на човечкото достоинство и подготвеноста да им се служи на луѓето.
Пратеникот упати благодарност до патријархот Теофил III за приемот, гостопримството и укажаната чест, нагласувајќи дека средбата ќе остане меѓу неговите најдраги спомени од посетата на Ерусалим и лична инспирација за совесно и одговорно извршување на должноста.
Објавата ја заврши со порака за мир и Божји благослов за Македонија и за сите луѓе во Светата земја.
