Скандалозно и дрско е поведението на Владата да се поништи наредба на министер во МВР иако вработената во министерството на доброволна постапка сакала да биде префрлена во нов пункт за да фотографира граѓани за лични документи, истакна првиот техничкиот министер Панче Тошковски.
– Целокупното поведение на Владата од самиот почеток на техничката влада е во најмала мерка чудно. Крајно незаконито и скандалозно е што владата се дрзна да се поништи наредба која јас сум ја издал на колешка во МВР која на доброволна основа сака да помогне да се отвори пунктот во Ново Село за да може да се фотографираат тие граѓани таму. Никогаш не се случило во претходни мандати наредби да понишутваат. Ај што се тотално неинформирани, правно непотковани па и дрски одозгора да зборуваат за формалности. Како не им е срам, немам што друго да додадам.
Џафери вчера изјави дека формално, ако нема врзан потпис, наредбите се поништуваат.
Министерот најави дека ќе МВР размислува да воведе систем на сајтот да се проверува дали се готови личните карти и да информира дека истите се во соодветна полициска станица за да ги подигнат.
