Овој рецепт е вистински предизвик за сите љубители на палачинки. Погледнете како да подготвите Американски палачинки по врвен, а едноставен рецепт.
СОСТОЈКИ:
- 200гр. брашно
- 1 супена лажица шеќер
- 1 супена лажичка прашок за пециво
- 1/2 лажичка сода бикарбона
- 1/4 лажичка сол
- 2 јајца
- 250мл. млеко
- 3 лажици зејтин
НАЧИН НА ГОТВЕЊЕ:
- Ставете ги состојките во сад за матење и промешајте ги.
- Изматете ги јајцата, млекото и зејтинот во посебен сад и додајте ја течноста во садот со останатите состојки, матете се додека не добиете полугуста, смеса со сјај. Оставете ја смесата да отстои до 5 минути.
- Ставете не многу длабоко тавче да се загрее на среден оган и во него рамномерно распоредете една кутлача од смесата да се пече.
- Палачинката ќе биде испечена од едната страна кога на површината на тестото ќе испукаат меурчињата. Тогаш превртете ја да се пече и од другата страна.
- Од количината на смесата би требало да добиете 7-8 палачинки.
- Внимавајте на температурата на печење која не смее да биде многу голема за да не ви изгорат палачинките.
- На крај послужете го овој пресладок десерт со чоколаден прелив и шумско овошје, јагоди, аронија или со крем, мед или џем со ореви, бадеми или лешници.
