Триесетгодишен маж од Струмица е лишен од слобода откако, според пријавата, во повеќе наврати агресивно се однесувал кон својата сопруга, а потоа отишол пред домот на нејзините родители каде таа престојувала со нивните малолетни деца и упатувал закани.

Од СВР Струмица информираат дека на 3 јули 2026 година, околу 18:30 часот, полициски службеници го лишиле од слобода Џ.М. (29) од Струмица. Според пријавеното, тој подолг период се однесувал агресивно кон својата 28-годишна сопруга, а на денот на настанот пристигнал пред домот на нејзините родители, каде што таа престојувала заедно со нивните малолетни деца, при што упатувал закани.

Осомничениот е задржан во Полициската станица Струмица, а за случајот е известен јавен обвинител од Основното јавно обвинителство Струмица.

По целосното документирање на случајот, против Џ.М. ќе биде поднесена соодветна пријава.