Модната дизајнерка од Струмица, Љупка Митрова, повторно го привлече вниманието на јавноста со претставувањето на својата најнова колекција, која беше промовирана на ексклузивен настан во Скопје.

Настанот помина во знак на модата, креативноста и современиот дизајн, а меѓу присутните можеше да се забележат бројни познати личности од македонската естрада, медиумите, бизнис-секторот и јавниот живот.

Новата колекција на Митрова донесе внимателно осмислени креации, во кои доминираа елегантни линии, впечатливи детали и софистицирани модни решенија. Ревијата беше проследена со голем интерес од гостите, кои имаа можност одблиску да ги видат најновите модни трендови преточени низ авторскиот печат на струмичката дизајнерка.

Во текот на вечерта владееше свечена атмосфера, а бројните гости ја искористија можноста за дружење, фотографирање и размена на впечатоци за претставените модели.

Со оваа модна презентација, Љупка Митрова уште еднаш потврди дека е едно од препознатливите имиња на домашната модна сцена, продолжувајќи да ја гради својата кариера преку уникатни и современи модни концепти.