Значаен резултат за македонската сцена во областа на спа, велнес и физиотерапија беше остварен на меѓународен натпревар одржан во Сараево, Босна и Херцеговина, каде што учество зедоа бројни професионалци од регионот.
Меѓу нив се истакна струмичанецот Митко Иванов, кој во силна конкуренција од околу 140 натпреварувачи успеа да го освои второто место, потврдувајќи го својот квалитет и посветеност во оваа област.
Македонските претставници настапија под менторство на претседателот на СВАМ и официјален судија на натпреварот, Александар Мендов. Со својата техничка подготвеност, професионален пристап и високи етички стандарди, тие оставија силен впечаток кај меѓународното жири, кое го вреднуваше нивниот настап во рамки на Светската федерација за масажа.
