Вчера во Струмица, полициски службеници од СВР Струмица ги лишиле од слобода Ј.А. (40), М.А. (34) и Р.Д. (31), сите од Струмица. Лицата се сомничат дека во ноќта меѓу 27 и 28 ноември извршиле кражба на поголем број вреќи со компир од товарно возило „Мерцедес“ со тетовски регистарски ознаки, паркирано на подрачјето на Струмица, сопственост на Ќ.С. од селото Горна Речица, тетовско, информираат од струмичката полиција.

Во службените простории на СВР Струмица бил повикан и И.А. (38) од Струмица, кој исто така се сомничи дека заедно со трите лица учествувал во кражбата. Со сите четворица биле извршени службени разговори, при што тие го признале делото.

Од Ј.А. и М.А. биле одземени вкупно 160 вреќи со компир, кои биле одземени при вршење на кражбата, а потоа вратени на сопственикот на стоката. За настанот бил запознаен јавен обвинител од Основното јавно обвинителство Струмица, а по целосно документирање на случајот против лицата ќе биде поднесена соодветна пријава.