ЈПКД „Комуналец“ – Струмица започна со расчистување на коловозот на патот што поминува низ населеното место Куклиш, откако поради обилните врнежи од дожд на одредени делници се појавија наноси од песок. Екипите на претпријатието со сопствена механизација ги отстрануваат наталожените наноси од асфалтната површина со цел да се обезбеди непречено и безбедно одвивање на сообраќајот низ селото.
Од „Комуналец“ апелираат возачите, особено во вакви врнежливи услови, со зголемено внимание да ги управуваат своите возила и да ја прилагодат брзината на движење на состојбата на коловозот.
