66-годишната пациентка од Дебар која подолго време беше приклучена на респираторна машина е третата жртва на корона вирусот, соопшти на попладневната конференција за печат Венко Филипче, министер за здравство.
-И покрај сите преземени мерки таа почина пред неколку часа. Пациентката имаше историја на хронично заболување и примаше хронична терапија за хипертензија, објасни министерот.
Таа и нејзиниот сопруг беа дијагностицирани како позитивни на корона вирусот откако во Македонија допатувале од Италија.
Инаку, денеска до 12 часот има 29 новозаболени од корона вирусот.
