Home

Perdormire
Здравје

ВЕНКО ФИЛИПЧЕ: ДА ЗНАЕВМЕ ДЕКА ЌЕ БИДЕ ТАКА, НЕМАШЕ ДА ДАДЕМЕ ПРЕПОРАКА ДА СЕ ОТВОРАТ УГОСТИТЕЛСКИТЕ ОБЈЕКТИ!

Home

Да знаевме дека нема да се почитуваат препораките за заштита на ковид-19, немаше да дадеме препорака од Комисијата за заразени болести да се отворат кафаните, изјави Венко Филипче, министерот за здравство на денешната прес-конференција на која соопшти дека во изминатото деноноќие има четворица починати и 52 новозаболени од коронавирус во Македонија.

Мислам дека такви слики како вчера не треба да гледаме, ниту да сме сведоци на такви сценарија во тукушто отворените угостителски објекти. Тоа не беше суштината. Да знаевме дека ќе биде така, немаше да дадеме препорака да се отворат. А ние мораме да го вратиме животот во нормала, мора секој да даде максимално се од себе, како што дадоа здравствените работници“, рече Филипче.

Вчера по повеќе од два месеци беа отворени угостителките објекти. На социјалните мрежи имаше објавено фотографии од скопски кафеани каде наместо почитување на препораките, се правеле забави без одржување дистанца, без маски и со групирање.

Филипче побара Министерството за внатрешни работи да биде поинтензивно на терен и да ги санкционира прекршувањата.