Технолошкиот тајкун Илон Маск изнесе храбро тврдење дека луѓето би можеле да живеат во град на Марс во следните 30 години.
Шефот на „SpaceX“ излезе на својата платформа за да одговори на твитот во кој изјавува дека „ни остануваат само неколку години од слетување на Марс“. 52-годишниот претприемач рече: „Помалку од 5 години за без екипаж, помалку од 10 за приземјување луѓе, можеби град за 20 години, но сигурно за 30, цивилизацијата е обезбедена“.
https://twitter.com/cb_doge/status/1790687316291485890
„SpaceX“, основана од Маск во 2002 година, беше првата приватна компанија која испрати ракета со течно гориво во орбитата и испорача астронаути до Меѓународната вселенска станица. Една година пред основањето на фирмата, Маск веќе ги претстави плановите да ја претвори Црвената планета зелена со неговиот проект Марс Оаза – со цел да ги засади првите семиња во вонземска почва во стаклена градина.
Неверојатните 183 милиони следбеници на Маск се возбудени поради неговите најнови предвидувања во вселената, при што еден обожавател напиша на „Твитер“: „Незамисливо за толку многу… Се надевам дека ќе живеам уште 10 години само за да го видам напредокот“.
Тоа доаѓа откако Маск ги претстави плановите да лансира повеќе сателити во вселената. Пред последното лансирање на ракетата „Falcon 9“ во вторник (14 мај), тој напиша: „Мисијата на „SpaceX“ е да ја прошири свеста на Марс, а потоа и на ѕвездите“.
Маск не крие дека е фасциниран од истражувањето на вселената. Претходно оваа година тој успешно го лансираше својот „SpaceX Starship“ вреден 3 милијарди долари, честитајќи му на тимот за нивното лансирање на „најголемиот летечки објект некогаш направен“. Шефот на „SpaceX“ напиша: „Ѕвездениот брод достигна орбитална брзина! Честитки за тимот на @SpaceX!!“. Тој потоа додаде: „Со ~ 5000 тони, „Starship„ е најголемиот летечки објект некогаш направен“.
