Македонскиот прволигаш Тиверија Струмица за идната сезона ќе биде ослабена со една од најдобрите фудбалерки на тимот во последните сезони.
По седум години дружба, одиграни над 100 официјални натпревари и постигнати 88 гола, македонската репрезентативка Пале Николовска го напушти струмичкиот тим и во идната сезона ќе се натпреварува во српскиот шампионат.
Николовска се одлучи да тресе мрежи за женскиот клуб на Црвена Звезда, кој во нашата репрезентативка ќе добие големо засилување кое може да одговори на сите напаѓачки предизвици.
