Вработените во општина Струмица ќе се вклучат во хуманитарниот настан „Да трчаме заедно за Нина“ кој што ќе се одржи в сабота (10.11.2018 година) со почеток во 12 часот на плоштадот „Гоце Делчев“. Со тоа вработените ќе го дадат својот придонес во лекувањето на седумгодишното девојче Нина Димитриевска од Струмица. Општина Струмица апелира до сите граѓани да се вклучат во хуманитарната трка и како многу пати досега да ја потврдат својата хуманост и солидарност и да помогнат на малата Нина.
