Четиринаесет ученици од СОУУД “Димитар Влахов” од Струмица посетуваат практична настава во Сандански, Република Бугарија, како главна активност од проектот финансиран од Европската Унија, во склоп на Еразмус + програмата.
„Ова е втор Еразмус+ проект во кој остваруваме успешна соработка со партнерската организација Ивемлајф. Учениците поминуваат две седмици во реална работна средина, во современи компании кои произведуваат био-храна, која е здрава, вкусна и секогаш високо ценета на пазарот. Идејата е учениците да се стекнат со знаења и вештини кои ќе ги направат конкурентни на европскиот пазар на трудот, да ја зголемат својата самодоверба и да ги искористат придобивките кои ги нуди стручното образование“ – изјавија од училиштето за Струмица Денес.
