Perdormire
Струмица

УЧЕНИЦИ И ПРОФЕСОРИ ОД СОУУД „ДИМИТАР ВЛАХОВ“ НА ПРАКТИЧНА РАБОТА ВО РЕПУБЛИКА БУГАРИЈА!

Деновиве група ученици од СОУУД „Димитар Влахов“, заедно со своите професори престојуваат на практична работа во Сандански, Р. Бугарија. Во рамки на овој проект од Еразмус + програмата, со поддршка на директорот Димитар Ѓорѓев, а под водство на професорите Нада Николова, Зорица Паликарова и проект менаџерот Зоран Ристов, учениците можат да ги стекнат неопходните практични вештини за да бидат имплементирани побрзо и полесно на пазарот на трудот. Затоа што целта на образованието во земјоделскиот сектор е да се создадат кадри со висок квалитет на практични вештини, а не само теоретски знаења.

Заедно со партнерот IVEM LIFE LTD, развивме програма за различни практики во Бугарија, што е во согласност со наставната програма на СОУУД „Димитар Влахов“ од Струмица и вклучува стекнување искуство во модерна и успешна био-фарма која развива автоматски системи, модерни техники и алатки, искористувајќи иновативни пристапи во растителното производство и сточарството, како и со богато искуство во агроекологијата и винарството.