Сместувачките капацитети во Струмица се целосно пополнети за периодот на одржување на Струмички карневал 2026, а интересот за ноќевања годинава е исклучително голем.
Според проверка на платформата Booking.com, во моментот нема прикажани слободни места за сместување за деновите кога се одвиваат карневалските активности, што е уште една потврда за зголемената посетеност и туристичкиот бран што го носи најпознатиот карневалски настан во земјава.
Инаку, програмските активности на Струмички карневал 2026 се најавени од 18 до 25 февруари, а главната интернационална карневалска поворка ќе се одржи на 21 февруари.
