Следната недела нов пакет антикризни мерки во Република Македонија!

ноември 8, 2023

Следната недела ќе биде објавен новиот пакет антикризни мерки, најавија од Владата. Во меѓувреме, мерката со која дел од прехранбените производи се продаваат со „гарантирана цена“ е продолжена до крајот на годината.

Од 20-ти септември годинава почна да важи мерката за „гарантирана цена“ на вкупно 24 категории прехранбени производи, а на 27 септември беше проширена и со безалкохолните пијалоци, газираната и негазираната вода и пивото. Цените на производите, согласно одлуката, треба да се најмалку 10 отсто пониски од цените регистрирани на 1 август.

Според Владата, мерките во однос на намалувањето на цените на прехранбените производи веќе даваат резултати, а дополнително намалување на цените се очекува и со предложениот закон за нефер трговски практики којшто се очекува идната недела да биде усвоен на владина седница, а потоа и испратен до Собранието.

Додека се чекаат антикризните мерки, вчера Државниот завод за статистика излезе со најновите податоци за трошоците на живот за октомври, според кои инфлацијата е намалена за 1,5 проценти во однос на септември, а зголемена за 3,5 проценти во споредба со октомври лани.

Споделете ја оваа вест доколку ви се допадна: