Извршниот комитет на ВМРО-ДПМНЕ вечерва одржа седница на која главна тема беше подготовката за претстојните локални избори. На седницата се дискутираше за повеќе предлози за кандидати за градоначалници од редовите на партијата.
Во рамки на расправата, беше донесена одлука Славе Андонов повторно да биде предложен како кандидат за градоначалник на општина Василево. Андонов е долгогодишен член на ВМРО-ДПМНЕ и досегашен градоначалник на општината, со значајно искуство во локалната самоуправа.
Од партијата информираат дека изборот на кандидатите се базира на анализи, теренски анкети и поддршката што тие ја уживаат меѓу граѓаните. Во наредниот период се очекува ВМРО-ДПМНЕ да ги објави и останатите кандидати за градоначалници во општините низ државата.
