Едно лице се здобило со тешки телесни повреди, а уште четири лица биле полесно повредени во сообраќајна несреќа на крстосницата меѓу улиците „5 Ноември“ и „Крушевска Република“ во Струмица.
Според информациите од полицискиот билтен, несреќата била пријавена на 26 октомври 2026 година во 12:40 часот. Во неа учествувале патничко возило „пежо“, управувано од М.М. (28) од селото Радичево, општина Василево, и патничко возило „форд“, управувано од К.С. (57) од Струмица. Двете возила биле со струмички регистарски ознаки.
Со тешки телесни повреди се здобил 57-годишниот возач на „фордот“. Повредени биле и неговите четворица сопатници – М.М. (58), А.Ф. (37), 56-годишната М.М. и 38-годишната М.Ф., сите од Струмица.
Повредите кај сите петмина биле констатирани во Медицинскиот центар во Струмица.
Увид на местото на несреќата извршила увидна екипа од СВР Струмица.
