Во Струмица е отворен првиот специјализиран фитнес центар за лица со попреченост. Тој е дело на Здружението на лица со телесен инвалидитет „Мобилност“ и на неговиот партнер Здружението на граѓани за помош и поддршка на лица со Даунов синдром „Вера“ од Струмица и има особена важност за лицата со попреченост. Центарот е отворен во рамките на проектот „И ние постоиме“ преку RELOAD програмата (Регионална програма за локална демократија за Западен Балкан) која е финансирана од ЕУ, а спроведувана од УНДП и поддржан и од општина Струмица со 20 проценти од неговата вкупна вредност.

На отворањето присуствуваше и градоначалникот Коста Јаневски кој поздравувајќи ја иницијативата и поддржувајќи го овој проект, рече дека тој како градоначалник и општина Струмица остануваат пријатели на лицата со попреченост и секогаш ќе ги поддржуваат проектите со чија реализација се подобруваат условите за живот со што се потврдува целта Струмица да стане грижлив град за сите.