Во просториите на основното општинско училиште „Маршал Тито“ од Струмица се одржа Новогодишна приредба. На приредбата учениците од прво до петто одделение во мешан етнички состав (Македонци и Турци), во една позитивна празнична атмосфера на двата јазика го поздравија почетокот на годишното време зима и на сите присутни гости и родители преку песна, музика и драматизација им ги честитаа Новогодишните и Божиќните празници. Оваа приредба се реализираше како резултат на спроведување на програмата од секцијата „Млади креативци“ која е помогната од проектот за меѓуетничка интеграција на УСАИД.
