На 5-6 октомври во просториите на средното училиште “Димитар Влахов,, во Струмица ќе се одржи по трет пат интернационалниот натпревар NASA Space Apps Challenge поддржан од страна на агенцијата NASA. Натпреварот е од научен карактер со тоа што оваа година учесниците ќе работат на 20 предизвици во временска рамка од 48 часа.
Обезбедени се награди за трите најдобри локални тима.
Првото место на локално ниво се пласира на глобална номинација. Натпреварот се одржува во исто време на околу 200 локации во цел свет. Водени од мотото Космосот е бесконечен, но Вашите решенија конечни, да ги охрабриме младите истражувачи и учесници и да им посакаме голем успех.
Натпреварот е организиран од страна на наставниците во училиштето во партнерство со општина Струмица и градоначалникот Коста Костадинов.
