Министерот за економија Крешник Бектеши во телевизиско гостување откри дека во пакетот со антикризни мерки кој го подготвува Владата и наскоро треба да го објави, има мерка со која финансиски ќе се помогнат оние на кои им е потребно подолго време да стигнат до работното место.
– Ќе има субвенции за пензионерите, за студентите, средношколците, колку што се сеќавам, за тие што се вработени и патуваат на работа повеќе од одредени километри зошто биле повеќе погодени од зголемувањето на енергенсите и од билетите кои ги купувале за автобус и сличен превоз, рече Бектеши.
За тоа како ќе се реализира оваа помош, односно дали ќе биде во форма на пари на сметка, ваучери или нешто друго, за тоа ќе одлучи надлежното министерство.
