Екипи од сите сектори при ЈПКД „Комуналец“ се на терен и ги санираат штетите направени невремето, посебно на дрворедите низ градот. Покрај стандардните активности за метење и чистење, се врши и машинско миење на булеварите и улиците со автоцистерни. Од УХМР информираат дека и во следните денови во попладневните часови ќе има честа појава на пороен дожд, грмежи и засилен ветер. ЈПКД „Комуналец“ ја следи состојбата на терен со целата расположлива механизација и ќе продолжи со интервенции таму каде што ќе има потреба.
