Некои велат дека народот живее тешко, а во кафулињата и рестораните во Струмица секогаш се бара слободно место. Но, како велат „сиромав човек е жив ѓавол, се снаоѓа и троши повеќе отколку што заработува“. Секојдневно слушаме разговори од струмичани дека живеат лошо. Нема работа, нема пари, нема расположение, нема доволно паркинзи и што ли уште не…А кога ќе погледнеме во кафулињата и рестораните ниту едно место нема слободно, без разлика дали е ден или ноќ. Најчесто таму ги гледаме младите и оние до 40 годишна возраст. А за автомобилите да не зборуваме…Просечно во секоја фамилија веќе има по два автомобила, многу е ретка ситуацијата во Струмица и децата на 18 години да немаат сопствен автомобил или мотор. Дали можеби Струмица го живее најубавиот живот во Македонија?