Perdormire
Струмица

ГРАДОНАЧАЛНИКОТ НА СТРУМИЦА: ДА БИДЕМЕ ТРПЕЛИВИ И ВНИМАТЕЛНИ, ПРЕСТОЈНИТЕ ПРАЗНИЦИ ДА ГИ ПРОСЛАВИМЕ ДОСТОИНСТВЕНО, ПОЧИТУВАЈЌИ ГИ МЕРКИТЕ!

Коста Јаневски, градоначалник на општина Струмица:

Почитувани сограѓани,

Во овој период кога бројот на новозаразени од Ковид -19 се намалува, а се зголемува бројот на оздравени луѓе, се уште не смееме да си дозволиме опуштање и игнорирање на актуелните мерки за заштита на нашето здравје. Борбата со корона вирусот не е завршена, само од нас зависи кога ќе дојде крајот на справувањето со овој предизвик.

Затоа да бидеме трпеливи, внимателни и сериозни во почитувањето на мерките и препораките за заштита од Ковид-19.

Претстојните празници можеме да си ги прославиме достоинствено, почитувајќи ги мерките кои се уште се на сила, а чија цел е заштита на нашето здравје. Да не се изложуваме на непотребни ризици. Собирањето во групи и блиските контакти се уште се ризик по нашето здравје.

Секоја одговорна држава има свои препораки со кои што сака да си го заштити своето население. Да ги почитуваме препораките и да го чуваме нашето здравје.