Разрешен претседателот на карневалски одбор после 35 години и членовите на карневалскиот одбор! Време е да го отвориме карневалот и да овозможиме секој млад или возрасен струмичанец, локал патриот да придонесе за уште подобро издание на струмичкиот карневал. Да живее слободна Струмица! Да живее струмичкиот карневал, објави денес струмичкиот градоначалник Костадин Костадинов.
Веста дека ќе бара разрешување на сите членови на карневалскиот одбор, Костадинов ја соопшти за време на Струмички карневал, и тоа пред да започне Интернационалното дефиле, на први март годинава.
Во соопштението појасни дека никој нема право да го чепка, разурнува или да прави груби обиди за партизација на карневалот, а Карневалскиот одбор бил тело во состав на Советот на Општина Струмица.
Инаку, на чело на карневалскиот одбор цели 35 години беше Александар Цицимов.
Покрај претседателот Цицимов, членови беа Ванчо Ристов Патриков, Ѓорѓи Пелтековски, Хризантема Рендевска, Александар Ненчев, Панче Беџовски, Катерина Милушева, Елена Достинова и Васил Крстев.
„Фокус“ го контактираше разрешениот Цицимов во врска со случувањата, а неговиот одговор беше дека моментално е во Франкфурт на состанок. Вети дека ќе не контактира кога ќе заврши со обврските.
Целосната вест може да ја погледнете на следниот линк: https://fokus.mk/pretsedatelot-na-karnevalskiot-odbor-go-dochekal-razreshuvaneto-vo-frankfurt-se-vpletka-li-sepak-politikata-i-vo-karnevalot/
ИЗВОР: ФОКУС
