Во својот кабинет, градоначалникот Коста Јаневски прими претставници од Општинската организација на Црвениот крст од Струмица, претставници од средни и основни училишта и ученици кои зедоа учество на општинскиот натпревар по Прва помош за основни и средни училишта. Притоа, градоначалникот им ги додели пехарите и дипломите на екипите кои ги освоија првите три места на овој натпревар, одржан на 11. јуни во организација на струмичкиот Црвен крст.
Пехарите за прво, второ и трето место, во категоријата – среднни училишта, завршија во рацете на трите екипи од СОУ „Јане Сандански“ , а кај основците, пехар за второ освоено место доби екипата од ООУ „Никола Вапцаров“. Екипите од ООУ „Борис Трајковски“ од Моноспитово и ООУ „Кирил и Методиј“ од Иловица, пехарите за прво и трето место, ги добија претходно во Општина Босилово.Честитајќи им на наградените ученици, градоначалникот Јаневски им порача да бидат секогаш хумани, позитивни и отворени за помош, соработка и разбирање меѓу луѓето.
